கணவரையும் மகனையும் வெளிநாட்டுக்கு வழியனுப்பி திரும்பிய தாய் விபத்தில் பலி!

கிளிநொச்சி ஏ.09 வீதியின் ஆனையிறவு அன்மித்த பகுதியில் இன்று புதன்கிழமை (24) அதிகாலை 4.45 மணியளவில் இடம்பெற்ற வாகன விபத்தில் ஒருவர் உயிரிழந்ததுடன் எட்டு பேர் காயமடைந்துள்ளனர்.

யாழ்ப்பாணத்தில் இருந்து கண்டி நோக்கி பயணித்த இலங்கை போக்குவரத்து சபைக்கு சொந்தமான பஸ் ஒன்று வீதியில் சென்று கொண்டிருந்த எருமை மாடுகளுடன் மோதியதில் வெளிநாட்டு கணவரையும் மகனையும் விமான நிலையத்தில் வழியனுப்பி விட்டு வந்த கயஸ் வேனிலும் மோதி குறித்த விபத்து இடம்பெற்றுள்ளது.

இந்த விபத்தின் போது கயஸ் வாகனத்தில் பயணித்த கணவரையும் மகனையும் விமான நிலையத்தில் வழியனுப்பி வீடு திரும்பி வந்தபோது ஆனையிறவு அண்மித்த பகுதியில் இடம்பெற்ற விபத்து சம்பவ இடத்தில் பாசையூர் யாழ்ப்பாணத்தை சேர்ந்த மார்க் வெஸ்லி அலன் கத்தரின் என்ற மூன்று பிள்ளைகளின் தாய் உயிரிழந்துள்ளதுடன், இரண்டு சிறுவர்கள் உட்பட 8 பேர் படுகாயமடைந்துள்ளனர்.இவர்களில் மாடுகள் கொண்டு வந்த நபா் ஆபத்தான நிலையில் மேலதிக சிகிச்சைகளுக்காக யாழ்ப்பாணம் போதனா வைத்தியசாலைக்கு கொண்டு செல்லப்பட்டுள்ளதுடன், ஏனையவர்கள் கிளிநொச்சி மாவட்ட பொது வைத்தியசாலையில் அனுமதிக்கப்பட்டுள்ளனர்.