அமெரிக்கா மற்றும் பிரித்தானியாவுடனான ஒரு முக்கிய பசிபிக் பாதுகாப்பு ஒப்பந்தத்தின் ஒரு பகுதியாக, 2030ஆம் ஆண்டுகளில் அவுஸ்ரேலியா ஐந்து அமெரிக்க வர்ஜீனியா தர அணுசக்தியால் இயங்கும் நீர்மூழ்கிக் கப்பல்களை வாங்கும் என எதிர்பார்க்கப்படுகிறது.

AUKUS ஒப்பந்தம் என்று அழைக்கப்படுவதன் கீழ், எதிர்வரும் ஆண்டுகளில் குறைந்தபட்சம் ஒரு அமெரிக்க நீர்மூழ்கிக் கப்பலாவது அவுஸ்ரேலியா துறைமுகத்தை சென்றடையும் என நான்கு அமெரிக்க அதிகாரிகள் தெரிவித்துள்ளனர்.

2030ஆம் ஆண்டுகளின் பிற்பகுதியில், பிரித்தானிய வடிவமைப்புகள் மற்றும் அமெரிக்க தொழில்நுட்பத்துடன் ஒரு புதிய வகை நீர்மூழ்கிக் கப்பல்கள் கட்டப்படும் என்று அதிகாரி ஒருவர் தெரிவித்தார்.

அவுஸ்ரேலிய பிரதமர் அந்தோனி அல்பானீஸ், அமெரிக்க ஜனாதிபதி ஜோ பைடன் மற்றும் பிரித்தானிய பிரதமர் ரிஷி சுனக் ஆகியோரை திங்கள்கிழமை சான் டியாகோவில் சந்தித்து AUKUSஇன் அடுத்த கட்ட நடவடிக்கைகளை வெளிப்படுத்த உள்ளார்.

2021ஆம் ஆண்டு செப்டம்பரில் முதன்முதலில் அறிவிக்கப்பட்ட பசிபிக் பாதுகாப்பு உடன்படிக்கை, சீனாவின் வளர்ந்து வரும் சக்தி மற்றும் பிராந்தியத்தில் உறுதியான நிலைப்பாட்டை எதிர்கொள்ளும் முயற்சியாகக் கருதப்படுகிறது மற்றும் இது சீனாவிடம் இருந்து கண்டனத்தைப் பெற்றுள்ளது.

பெயர் தெரியாத இரண்டு அதிகாரிகள், பேசுகையில், வருடாந்திர துறைமுக வருகைகளுக்குப் பிறகு, மேற்கு அவுஸ்ரேலியாவில் சுமார் 2027ஆம் ஆண்டுக்குள் அமெரிக்கா சில நீர்மூழ்கிக் கப்பல்களை நிலைநிறுத்தும் என்று கூறினார்.

அவுஸ்ரேலியாவில் ஏற்கனவே ஆறு வழக்கமாக இயங்கும் காலின்ஸ் தர நீர்மூழ்கிக் கப்பல்கள் உள்ளன, அவற்றின் சேவை காலம் 2036ஆம் வரை நீடிக்கப்படும். அணுசக்தி நீர்மூழ்கிக் கப்பல்கள் வழக்கமான நீர்மூழ்கிக் கப்பல்களைக் காட்டிலும் நீண்ட காலம் நீருக்கடியில் இருக்க முடியும் மற்றும் கண்டறிவது கடினம்.

திட்டமிடப்பட்ட புதிய வகை நீர்மூழ்கிக் கப்பல்கள், உற்பத்தி இடங்கள் பற்றிய விபரங்களை வழங்குவது உட்பட அதிகாரிகள் விபரிக்கவில்லை.