G20 உச்சிமாநாட்டை உறுதி செய்த அமெரிக்கா: இந்தியாவிற்கு பயணமாகும் பைடன் | Us Committed To Ensuring Ind Successful G20 Summit

ஜி20 மாநாட்டில் பங்கேற்க அமெரிக்க ஜனாதிபதி ஜோ பைடன் இன்று இந்தியாவிற்கு வருகை தரவுள்ளார்.

ஜி20 கூட்டமைப்பிற்கு இவ்வருடம் இந்தியா தலைமை ஏற்றுள்ள நிலையில், அதன் உச்சி மாநாடு வரும் 9 மற்றும் 10-ம் திகதிகளில் டெல்லியில் நடைபெறுகிறது.

இந்நிலையில் மாநாட்டில் பங்கேற்க அமெரிக்க ஜனாதிபதி ஜோ பைடன், ரஷ்ய ஜனாதிபதி புடின் , சீன ஜனாதிபதி ஜின்பிங் உள்பட 'ஜி-20' உறுப்பு நாடுகளின் தலைவர்களுக்கு அழைப்பு விடுக்கப்பட்டுள்ளது.

இதற்கமைய அவுஸ்திரேலிய பிரதமர் அந்தோனி அல்பானீஸ், இங்கிலாந்து பிரதமர் ரிஷிசுனக், பிரான்ஸ் ஜனாதிபதி மேக்ரான் உள்ளிட்ட உலக தலைவர்கள் இந்தியாவிற்கு வருகைதரவுள்ளனர்.

அதன்படி அமெரிக்க ஜனாதிபதி ஜோ பைடன் இன்று (07.09.2023) இந்தியா வருவது உறுதியாகியுள்ளது.

இது தொடர்பாக வெள்ளை மாளிகை வெளியிட்டுள்ள அறிவிப்பில், ஜோ பைடனுக்கு மேற்கொள்ளப்பட்ட கோவிட் பரிசோதனையில் தொற்று இல்லை என தெரியவந்துள்ளது. ஆகவே அவரது பயண திட்டங்களில் எந்த மாற்றமும் இல்லை என தெரிவிக்கப்பட்டுள்ளது.

ஜோ பைடனின் இந்த பயணத்தில் முக கவசம் அணிதல், சமூக இடைவெளியை கடைபிடித்தல் உள்பட அமெரிக்க நோய் கட்டுப்பாடு மற்றும் தடுப்பு மையத்தின் அனைத்து வழிக்காட்டுதல்களும் முறையாக பின்பற்றப்படும் என தெரிவிக்கப்பட்டுள்ளது.

உலகின் தரமான தமிழ் வானொலி கேட்கவேண்டுமா தரமான பாடல்கள் சிறந்த அறிவிப்பாளர்களால் தொகுத்து வழங்கபடும் நிகழ்ச்சிகளை கேட்க இந்த லிங்கை அழுந்துங்கள்