சீனாவின் குவாங்சோவிலிருந்து ஸ்ரீலங்கன் ஏர்லைன்ஸ் விமானம் ஒன்று நேற்று (மார்ச் 01) இரவு இலங்கைக்கு 115 சீன சுற்றுலாப் பயணிகளை கொவிட்-19 தொற்றுநோய்க்குப் பிறகு முதல் முறையாக அழைத்து வந்துள்ளது.

சுற்றுலாத்துறை அமைச்சர் ஹரின் பெர்னாண்டோ, வெளிவிவகார அமைச்சர் தாரக பாலசூரிய மற்றும் இலங்கைக்கான சீனத் தூதுவர் Qi Zhenhong மற்றும் பலர் சுற்றுலாப் பயணிகளை வரவேற்க வருகை தந்திருந்தனர்.

இந்நிகழ்வில் கருத்து தெரிவித்த சுற்றுலாத்துறை அமைச்சர் ஹரின் பெர்னாண்டோ, ஏப்ரல் 04 ஆம் திகதி முதல் சீனாவின் மூன்று நகரங்களான ஷாங்காய், பெய்ஜிங் மற்றும் கோங்ஷூவிற்கு ஸ்ரீலங்கன் எயார்லைன்ஸ் மற்றும் சைனா ஈஸ்டர்ன் எயார்லைன்ஸ் விமானங்கள் வாரத்திற்கு 09 தடவைகள் இலங்கைக்கு வரும் என குறிப்பிட்டார்.

“இலங்கையின் சுற்றுலாத்துறையை கட்டியெழுப்ப முடியும் என்பதில் எனக்கு மிகுந்த நம்பிக்கை உள்ளது. உலகிலேயே அதிக மக்கள் தொகை கொண்ட நாடு சீனா. அந்த சனத்தொகையில் 1 வீதமானவர்கள் இலங்கைக்கு வந்தாலும் எமது பிரச்சினைகளை தீர்த்துக்கொள்ள முடியும்” என்றார்.

நாட்டில் இடம்பெற்று வரும் பணிப்புறக்கணிப்பு மற்றும் தொழிற்சங்க நடவடிக்கைகளினால் சுற்றுலாப் பயணிகளுக்கு ஏற்படும் பாதிப்புகள் குறித்தும் அமைச்சர் ஹரின் பெர்னாண்டோ விளக்கமளித்துள்ளார்.

“உங்கள் போராட்டத்தை உங்கள் நெருக்கடியாக மாற்றுமாறு கேட்டுக்கொள்கிறேன். ஆனால் நாட்டின் சுற்றுலாப் பயணிகளுக்கும் அதன் வளர்ச்சிக்கும் வழியைத் தடுக்க முயற்சிக்காதீர்கள். அது நாட்டை அராஜகமாக்கும். ஒரு வருடத்திற்கு நாட்டை சுவாசிக்க அனுமதிக்குமாறு கேட்டுக்கொள்கிறேன். அதன் பிறகு நாங்கள் எங்கள் அரசியலை செய்வோம்.

இதற்கிடையில், சுற்றுலா வருவாய் தொடர்ந்து வளர்ச்சியடைந்து, ஜனவரி மாதத்தில் மட்டும் 162 மில்லியன் அமெரிக்க டாலர்களை ஈட்டியுள்ளதாக அறிக்கைகள் தெரிவிக்கின்றன.

இந்த வருடத்தின் கடந்த இரண்டு மாதங்களில் சுற்றுலாப் பயணிகளின் வருகையும் விரைவான வளர்ச்சியைக் காட்டியுள்ளதுடன், அந்த காலப்பகுதியில் 210,184 நபர்கள் தீவிற்கு வருகை தந்துள்ளதாக தெரிவிக்கப்பட்டுள்ளது.

உலகின் தரமான தமிழ் வானொலி கேட்கவேண்டுமா தரமான பாடல்கள் சிறந்த அறிவிப்பாளர்களால் தொகுத்து வழங்கபடும் நிகழ்ச்சிகளை கேட்க இந்த லிங்கை அழுந்துங்கள்

www.akswisstamilfm.com